@ZaminBot qo'llanmasi

@ZaminBot — Zamin botlarini yaratish va boshqarish uchun rasmiy, tasdiqlangan tizim boti (Telegram'dagi BotFather kabi). Uni ilovada zamin.app/ZaminBot havolasi orqali oching va Start'ni bosing.

@ZaminBot qurilmangiz tilida (o'zbek, ingliz yoki rus; standart — o'zbek) javob beradi. Quyidagi misollar o'zbekcha.

Buyruqlar

Har qanday buyruq boshlangan amalni (masalan, nom kutilayotgan holatni) bekor qiladi. Tugallanmagan amal bir kundan keyin o'z-o'zidan unutiladi. Buyruqlarni /newbot@ZaminBot ko'rinishida ham yozish mumkin.

/setjoingroups va /setprivacy faqat buyruq sifatida ishlaydi (/mybots menyusida tugmasi yo'q).

/newbot — bot yaratish

Username qoidalari

• Uzunligi 5–32 belgi; faqat lotin harflari, raqamlar va _; harf bilan boshlanadi.
• bot bilan tugaydi (katta-kichik harf farqi yo'q): weather_bot, ShopBot.
• zamin so'zi bor username'lar (istalgan registrda) Zamin'ning rasmiy botlari uchun saqlangan.
• Username'lar odamlar, kanallar, guruhlar va botlar uchun bitta umumiy nom maydonida: band bo'lsa, "Bu username band" javobi keladi. Katta-kichik harf saqlanadi, lekin solishtirishda farq qilmaydi.
• Oddiy foydalanuvchilar endi bot bilan tugaydigan username ola olmaydi — bu botlar uchun.

Nom qoidalari

• Nom 1–64 belgi.
• Nomda "Zamin" so'zi (yoki unga o'xshash yozuv: kirill harflari, raqamlar, bo'shliqlar bilan — "ZАMIN", "Z a m i n", "Замин") bo'lishi mumkin emas. Nom push-bildirishnoma sarlavhasida ko'rinadi, shuning uchun bu soxta "rasmiy" botlardan himoya.

Cheklovlar

• Bir foydalanuvchi standart holatda 20 tagacha bot yarata oladi (limitni administrator o'zgartirishi mumkin). Limitga yetsangiz, eski botni o'chiring.
• Juda tez-tez yaratish cheklangan: soatiga taxminan 5 ta bot.
• Bot yaratish vaqtincha o'chirilgan bo'lishi yoki hisobingiz cheklangan bo'lsa, @ZaminBot shuni aytadi.

/mybots — botlaringiz

Botlaringiz tugmalar ko'rinishida chiqadi (har qatorda ikkita). Botni tanlang — uning menyusi ochiladi. Menyudagi har bir tugma tegishli buyruq bilan bir xil ishlaydi.

/token — tokenni olish

Server tokenning faqat xeshini saqlaydi, uni qayta ko'rsatib bo'lmaydi. Shuning uchun /token (va menyudagi "🔑 Token" tugmasi) yangi token chiqaradi: eski token darhol ishlamay qoladi — xuddi /revoke kabi.

/revoke — tokenni bekor qilish

Token oshkor bo'lsa (masalan, GitHub'ga tushib qolsa), darhol /revoke qiling. Yangi token chiqarilganda:

• eski token bilan so'rovlar darhol 401 Unauthorized oladi;
• webhook o'chiriladi va navbatdagi barcha yangilanishlar tashlab yuboriladi (eski token egasi webhookni o'z serveriga yo'naltirgan bo'lishi mumkin);
• ochiq long poll (getUpdates) yopiladi;
• bot a'zo bo'lgan har bir guruhdagi shifrlash kaliti almashtiriladi (eski token egasi guruh xabarlarini ocha olmaydi). Bot guruhlarda qoladi, siz hech narsa qilishingiz shart emas: a'zolarning ilovalari yangi kalitni o'zi oladi.

/setname — nom

API orqali: setMyName.

/setdescription — tavsif

Foydalanuvchi bot bilan chatni hali boshlamaganida ko'radigan "Bu bot nima qila oladi?" matni, 512 belgigacha. Uzunroq bo'lsa: "Juda uzun (512 belgigacha)." API orqali: setMyDescription.

/setabout — qisqa ma'lumot

Bot profilida va zamin.app/<bot> ochiq sahifasida ko'rinadigan qisqa matn, 120 belgigacha. API orqali: setMyShortDescription.

/setuserpic — rasm

Botni tanlang, so'ng rasm yuboring (matn yoki boshqa fayl yuborsangiz: "Iltimos, rasm yuboring."). Rasm 640×640 kvadratga qirqiladi va JPEG'ga o'tkaziladi. Bot rasmini Bot API orqali o'zgartirish metodi yo'q.

/setcommands — buyruqlar

Har bir buyruqni alohida qatorda buyruq - tavsif ko'rinishida yuboring. Buyruq: a-z, 0-9, _, 32 belgigacha (boshidagi / ixtiyoriy, katta harflar kichikka o'tadi). Tavsif: 1–256 belgi. Ajratuvchi: -, – yoki —. Ko'pi bilan 100 qator. Yangi ro'yxat eskisini butunlay almashtiradi. API orqali: setMyCommands.

/setjoingroups — guruh va kanallarga qo'shish

Botni guruh va kanallarga qo'shish mumkinmi. Standart: yoqilgan. O'chirilsa, hech kim botni yangi guruh yoki kanalga qo'sha olmaydi (ilova BOT_CANT_JOIN_GROUPS xatosini ko'rsatadi); bot allaqachon a'zo bo'lgan chatlar saqlanib qoladi. Holat getMe'da: can_join_groups.

/setprivacy — privacy mode

Privacy mode yoqilgan bo'lsa (standart, tavsiya etiladi), bot guruhda faqat buyruqlar (/…), o'zi @eslatilgan va o'ziga javob qilingan xabarlarni oladi. O'chirilsa, bot uni guruh egasi admin qilib, "Barcha xabarlarni o'qish" huquqini aniq bergandagina guruhdagi barcha xabarlarni o'qiydi — sozlamaning o'zi buni hech qachon yoqmaydi. Holat getMe'da: can_read_all_group_messages (true = privacy mode o'chiq).

• Sozlama "suratga olinadi". Bot guruhga qo'shilgan paytdagi holat o'sha guruh uchun saqlanadi va keyin o'zgarmaydi (admin qilish ham uni yangilamaydi). Keyinroq o'zgartirsangiz, faqat bot o'sha guruhga qayta qo'shilganda hisobga olinadi.
• Guruh egasining aniq roziligi kerak. Privacy mode'i o'chiq holda qo'shilgan botni faqat guruh egasi admin qila oladi va faqat "Barcha xabarlarni o'qish" huquqini birga yoqib (ilova qayta tasdiq so'raydi; busiz — 409 BOT_PRIVACY_OFF). Boshqa adminlar bunday botni admin qila olmaydi. Bot oddiy a'zo bo'lsa, sozlama ta'sir qilmaydi.
• Guruh egasi privacy mode'i yoqilgan botga ham "Barcha xabarlarni o'qish" huquqini berishi mumkin — natija bir xil. Bot guruhda haqiqatan hammasini o'qiydimi — getChatMember'dagi can_read_all_group_messages ko'rsatadi.
• Bot barcha xabarlarni o'qiydigan guruhda har bir a'zo ogohlantirish ko'radi. Bunday xabarlarni Zamin serveri va siz o'qiy olasiz. Batafsil.

/deletebot — botni o'chirish

Bot, uning tokeni, webhooki, chatlari va fayllari butunlay o'chiriladi. Bot barcha guruh va kanallardan chiqariladi. Bu amalni qaytarib bo'lmaydi; username yana bo'shaydi.

/cancel — bekor qilish