Klaviaturalar va callback'lar

Ikki xil klaviatura bor: xabarga biriktiriladigan inline tugmalar va tizim klaviaturasi o'rnida chiqadigan reply klaviatura. Ikkalasi ham reply_markup parametri orqali yuboriladi.

Guruhlarda faqat inline klaviatura ishlaydi (reply klaviatura → 400 only inline keyboards are supported in groups); tugmani istalgan a'zo bosishi mumkin, javob esa faqat bosganga ko'rinadi. Kanal postlarida tugma bo'lmaydi. Batafsil.

Umumiy cheklovlar

JSON so'rovda reply_markup obyekt bo'ladi; query, form yoki multipart'da — JSON matn.

Inline klaviatura

Inline tugmalar xabar ostida turadi. Har bir tugmada text va quyidagilardan aynan bittasi: callback_data (botga signal), url (havola) yoki web_app (hozircha havola sifatida ochiladi).

import os
import requests

TOKEN = os.environ["ZAMIN_BOT_TOKEN"]
API = f"https://api.zamin.app/bot{TOKEN}"
CHAT_ID = int(os.environ["ZAMIN_CHAT_ID"])

keyboard = {
    "inline_keyboard": [
        [
            {"text": "👍 Yoqdi", "callback_data": "like"},
            {"text": "👎 Yoqmadi", "callback_data": "dislike"},
        ],
        [{"text": "🌐 Batafsil", "url": "https://example.com/maqola"}],
    ]
}
requests.post(
    f"{API}/sendMessage",
    json={"chat_id": CHAT_ID, "text": "Maqola sizga yoqdimi?", "reply_markup": keyboard},
    timeout=15,
)

Callback'larni qayta ishlash

callback_data'li tugma bosilganda bot callback_query yangilanishini oladi. Server faqat haqiqatan shu xabar klaviaturasida bor callback_data'ni qabul qiladi, lekin foydalanuvchi har qanday tugmani istalgan vaqtda bosishi mumkin — data'ni doim tekshiring.

1. Darhol answerCallbackQuery chaqiring: bir marta, 60 soniya ichida. Ixtiyoriy text (≤200) qisqa bildirishnoma bo'lib chiqadi, show_alert: true — oyna, url — havola.
2. Kerak bo'lsa, xabarni editMessageText yoki editMessageReplyMarkup bilan yangilang (48 soat ichida).

def on_callback(query):
    chat_id = query["message"]["chat"]["id"]
    message_id = query["message"]["message_id"]
    data = query["data"]

    text = {"like": "Rahmat! 🙌", "dislike": "Fikringiz uchun rahmat."}.get(data, "Noma'lum tugma")
    requests.post(
        f"{API}/answerCallbackQuery",
        json={"callback_query_id": query["id"], "text": text},
        timeout=15,
    )
    # Ovoz berilgach, tugmalarni olib tashlaymiz (reply_markup yuborilmaydi)
    requests.post(
        f"{API}/editMessageText",
        json={"chat_id": chat_id, "message_id": message_id, "text": f"Maqola sizga yoqdimi? — {text}"},
        timeout=15,
    )

Reply klaviatura

Reply klaviatura chatning faol klaviaturasiga aylanadi va tizim klaviaturasi o'rnida (yoki u bilan almashinib) ko'rinadi. Oddiy tugma bosilsa, uning matni foydalanuvchining oddiy xabari bo'lib keladi. Klaviatura yangisi yuborilguncha yoki remove_keyboard bilan olib tashlanguncha turadi.

keyboard = {
    "keyboard": [
        ["🍕 Pitsa", "🍔 Burger"],          # oddiy matnli tugmalar
        [{"text": "🛒 Savat"}, {"text": "❓ Yordam"}],
    ],
    "resize_keyboard": True,
    "input_field_placeholder": "Taom tanlang",
}
requests.post(
    f"{API}/sendMessage",
    json={"chat_id": CHAT_ID, "text": "Nima buyurtma qilasiz?", "reply_markup": keyboard},
    timeout=15,
)

# Keyinroq olib tashlash:
requests.post(
    f"{API}/sendMessage",
    json={"chat_id": CHAT_ID, "text": "Buyurtma qabul qilindi ✅", "reply_markup": {"remove_keyboard": True}},
    timeout=15,
)

request_contact va request_location

Bot foydalanuvchining telefon raqamini yoki joylashuvini o'zi ko'ra olmaydi. Faqat so'rashi mumkin: reply klaviaturaga request_contact yoki request_location tugmasini qo'shing. Foydalanuvchi tugmani bosganda ilova tasdiq so'raydi ("Telefon raqamingizni @bot bilan ulashasizmi?"). Faqat tasdiqlangandan keyin bot contact yoki location'li xabar oladi.

keyboard = {
    "keyboard": [
        [{"text": "📱 Raqamni yuborish", "request_contact": True}],
        [{"text": "📍 Joylashuvni yuborish", "request_location": True}],
        ["Bekor qilish"],
    ],
    "resize_keyboard": True,
    "one_time_keyboard": True,
}
requests.post(
    f"{API}/sendMessage",
    json={"chat_id": CHAT_ID, "text": "Yetkazib berish uchun raqam va manzil kerak.", "reply_markup": keyboard},
    timeout=15,
)


def on_message(message):
    if "contact" in message:
        phone = message["contact"]["phone_number"]   # foydalanuvchining o'z raqami
        print("Raqam:", phone)
    elif "location" in message:
        loc = message["location"]
        print("Joylashuv:", loc["latitude"], loc["longitude"])

• Kontakt — doim foydalanuvchining o'z raqami va ismi; boshqa odamning kontaktini yuborib bo'lmaydi.
• Joylashuv — bir martalik nuqta (jonli kuzatuv emas).
• Ilova bu ma'lumotni faqat chatning faol klaviaturasida shunday tugma bo'lsa yuboradi. Klaviaturani olib tashlasangiz, so'rov ham bekor bo'ladi.
• Bitta tugmada ikkalasi bo'lmaydi.

URL qoidalari

Inline tugmalardagi url, web_app.url va answerCallbackQuery'dagi url quyidagi qoidalar bilan tekshiriladi:

• Faqat http:// va https:// (web_app uchun faqat https://). zamin://, javascript:, data:, tel: va boshqa sxemalar rad etiladi.
• URL ichida login/parol, bo'shliq yoki boshqaruv belgilari bo'lmasin; uzunligi ≤2048.
• zamin.app havolalari faqat ochiq profil, bot yoki kanal sahifasiga: https://zamin.app/<username>, ixtiyoriy ?start=PARAM bilan (PARAM: A-Z a-z 0-9 _ -, ≤64). Taklif havolalari (/+…) va boshqa yo'llar, # qism hamda zamin.app'ning boshqa subdomenlari ruxsat etilmagan.

Ilova bot bergan har qanday havolani ochishdan oldin domenni ko'rsatib, tasdiq so'raydi.